وشيارى هه‌ڵبژاردن و به‌شداريى سياسى

چالاکییەکان ببینە

بيرۆكه‌ى پرۆژه‌ :

له‌گه‌ڵ بڕيارى ئه‌نجامدانى هه‌ڵبژاردنى خولى شه‌شه‌مى په‌رله‌مانى هه‌رێمى كوردستان له‌ 20/10/2024 ريكخراوى كارا بۆ وشيارى وپه‌ره‌پێدان به‌پێويستى زانى پرۆژه‌يه‌ك ئاماده‌بكات به‌مه‌به‌ستى بڵاوكردنه‌وه‌ى وشيارى هه‌ڵبژاردن وگرنگى به‌شداريكردن له‌ پرۆسه‌ى سياسيدا. پرۆژه‌كه‌ پێكهاتبوو له‌ چه‌ندين چالاكى كه‌ پێكه‌وه‌ ئه‌نجام ده‌دران و ته‌واوكه‌رى يه‌كتر بوون و بريتى بوون له‌:

• ئه‌نجامدانى راپرسييه‌كى گشتگير له‌باره‌ى هه‌ڵبژاردنه‌وه‌.

• سازكردنى چوار كۆڕ له‌ شاره‌كانى (سلێمانى و هه‌ولێر و دهۆك و ئيداره‌ى راپه‌ڕين) به‌ هه‌مان ناونيشانى پرۆژه‌كه‌. ئاماده‌بووانى كۆڕه‌كان بريتى بوون له‌ كه‌سانى جياجيا له‌ توێژ و ده‌سته‌بژێرى كۆمه‌ڵگه‌ (ليست و كانديده‌كانى هه‌ڵبژاردن، كه‌سانى ئه‌كاديمى، پياوانى ئاينى، نوێنه‌رى رێكخراوه‌كانى كۆمه‌ڵگه‌ى مه‌ده‌نى).

• بڵاوكردنه‌وه‌ى سپۆتى ميديايى وفڵايه‌ر.

پرۆژه‌كه‌ سوودى له‌ تواناكانى كه‌سانى ئه‌كاديمى و شاره‌زا له‌ بواره‌كانى هه‌ڵبژاردن و به‌شداريى سياسيدا بينى و له‌لايه‌ن ستافێكى كارامه‌وه‌ به‌ڕێوه‌چوو.

لايه‌نى جێبه‌جێكار:

رێكخراوى كارا بۆ وشيارى و په‌ره‌پێدان.

بوارى پرۆژه‌:

وشيارى كۆمه‌ڵايه‌تى و سیاسی.

ماوه‌ى پرۆژه‌:

كورت مه‌ودا (1/8/2024 تا 17/9/2024).

سوودمه‌ندانى راسته‌وخۆ:

زياتر له‌ 250 كه‌س له‌ به‌شداربووانى كۆره‌كان.

سوودمه‌ندانى ناراسته‌وخۆ:

هه‌موو ئه‌و كه‌سانه‌ى له‌ڕێى سۆشيال ميدياوه‌ سپۆت و فڵايه‌ره‌كانيان پێگه‌يشتووە.

ئامانجه‌كانى پرۆژه‌:

-        بڵاوكردنه‌وه‌ى وشيارى سياسى بەمەبەستی به‌رجه‌سته‌كردنى ديموكراسى له‌ڕێگه‌ى به‌شداريكردنى كارا له‌ پرۆسەی هه‌ڵبژاردندا.

-        بايه‌خدان به‌ ره‌هه‌نده‌ سياسييه‌كانى پرۆسه‌ى هه‌ڵبژاردن وگرنگى هۆشيارى سياسى بۆ به‌شداربووانى پرۆسه‌كه‌، به‌تايبه‌تى كانديده‌كان.